enean
arkitektura
estudioa
Enean Arkitektura Estudioa, Hondarribian (Gipuzkoan) egoitza duen arkitektura-bulegoa bat da. 2019an sortu zuten Beñat Lekuona, Telmo Sagartzazu eta Urko Sagartzazu arkitektoek.
Bakoitzak tokiko zein nazioarteko hainbat erakunde eta enpresatan lortutako esperientzia eskaintzen du, gazte talde bat osatuz, diziplina anitzekoa eta proiektu bakoitzari irtenbide arkitektoniko onena emateko konpromisoa duena, baliabide naturalak eta ekonomikoak optimizatzearekin azken erabiltzailearen beharretara egokituz.
Halaber, Enean-ek arkitektura garaikideko laborategia izan nahi du, konprometitua eta espazioak leku bihurtzeko gai dena. Inguruneko errealitate intrintsekoa lausotu gabe, argiaz, materialtasunaz eta denboraz baliatzen diren lekuak; kontzeptua, funtzionaltasuna eta edertasuna sintetizatuz.
Enean Arkitektura Estudioaren praktika profesionala hobekuntza ahalbidetzen duten era guztietako proiektuetara zabaltzen da. Horrela, ikuspegi sortzaile eta gogoetatsu batetik, eskala askotako proiektu arkitektonikoak egiten ditugu kontu handiz, etxe barneko eskalatik hirigintzara, bai obra berriko proiektuak, bai erreformakoak.
Gainera, laguntza teknikoko eta aholkularitzako zerbitzuak egiten ditugu, baita txostenak, ikuskapen teknikoak eta ziurtagiriak ere.
Azken finean, estudioak, praktika kritikoaren posizionamendutik abiatuta, produkzio arkitektonikoarekin eta diseinuarekin zerikusia duten hainbat zerbitzu eskaintzen ditu.
Zalantzarik edo galderarik izanez gero, jar zaitez gurekin harremanetan. Atseginez eta inolako konpromisorik gabe erantzungo dizugu.
Kontaktua
Telmo Sagartzazu Flores Donostiako Arkitekturako Goi Eskola Teknikoan (DAGET) ikasitako arkitektoa da, eta truke akademiko bat gauzatzen du Erromako Università degli Studi di Roma Tre-n. Karrera amaitu ondoren, Madrilgo Unibertsitate Politeknikoko Proyectos Arquitectónicos Avanzados masterra egiten du. Horrela, bertan, ikerketa akademikoaren arloko ezagutzak eskuratzen ditu, hainbat argitalpen eta erakusketatan parte hartuz. Ibilbide profesional luzeko hainbat arkitektura estudioetan lan egin du, eskala eta konplexutasun askotako proiektuak landuz. Aipatzekoa da administrazio publikoan izandako esperientzia, Hondarribiko Udaleko hirigintza arloan hainbat alditan lan egin baitu.
Urko Sagartzazu Flores Donostiako Arkitekturako Goi Eskola Teknikoan (DAGET) ikasitako arkitektoa da, eta truke akademiko bat gauzatzen du Veneziako IUAV unibertsitatean. Arkitekturako Masterreko amaierako proiektua bikain batekin amaitzen du, horrela, Carlos Santamaría Zentroan eta Donostiako EHAEOn ikusgai jarritako “Proiektuen Bilduma” erakusketan parte hartzeko hautatua da. Bere ibilbide profesionalean, izen handiko ingeniaritza eta arkitektura estudioetan lan egiten du, eta, nazioarteko ospea duten arkitektoekin batera, eskala handiko eta erabilera askotako proiektuen garapenean lagundu du, bai tertziarioak, irakaskuntzakoak eta etxebizitza mailakoak ere. Hala, espazio-konplexutasun handiko lanetan esperientzia hartzen du.